ພິທີເຊັນບົດບັນທຶກຄວາມເຂົ້າໃຈວ່າດ້ວຍການສຶກສາຄວາມເປັນໄປໄດ້ ໃນການພັດທະນາລະບົບໂປຣແກຣມ (Software) ເພື່ອຫັນວຽກງານຂອງກະຊວງກະສິກໍາ ແລະ ປ່າໄມ້ ເປັນທັນສະໄໝ ລະຫວ່າງກະຊວງກະສິກໍາ ແລະ ປ່າໄມ້ ຕາງໜ້າໂດຍກົມແຜນການ ແລະ ການຮ່ວມມື ແລະ ບໍລິສັດ ເອໄອດີຊີ ເທັກ ຈໍາກັດຜູ້ດຽວ ໄດ້ຈັດຂື້ນທີ່ສະໂມສອນກະຊວງກະສິກໍາ ແລະ ປ່າໄມ້ ໃນວັນທີ 26 ກໍລະກົດ 2024, ໂດຍໃຫ້ກຽດເຂົ້າຮ່ວມເປັນປະທານ ແລະ ສັກຂີພະຍານຂອງ ທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍພາກສ່ວນກ່ຽວຂ້ອງຂອງທັງສອງຝ່າຍເຂົ້າຮ່ວມ, ພິທີເຊັນບົດບັນທຶກຄວາມເຂົ້າໃຈໃນຄັ້ງນີ້ເປົ້າໝາຍແມ່ນເພື່ອຮ່ວມມືໃນການສືກສາຄວາມເປັນໄປໄດ້ ການພັດທະນາລະບົບໂປຣແກຣມ (Software) ເພື່ອຫັນວຽກງານຂອງກະຊວງກະສິກໍາ ແລະ ປ່າໄມ້ ເປັນທັນສະໄໝ ໃນການຕິດຕາມ, ຄຸ້ມຄອງ, ອອກອະນຸຍາດ ການຜະລິດກະສິກໍາພາຍໃນ, ການນໍາເຂົ້າ-ສົ່ງອອກ ແລະ ການຜ່ານແດນ, ວຽກງານຄຸ້ມຄອງແຜນທີ່ກະສິກໍາ ແລະ ແຜນທີ່ປ່າໄມ້ ແບບ Digital Map ແລະ ຊ່ວຍຄົ້ນຄວ້າການຄຸ້ມຄອງ ແລະ ບໍລິຫານໂຮງສີເຂົ້າເມືອງສອງຄອນ ແຂວງສະຫວັນນະເຂດ