ພະແນກຮ່ວມມືສາກົນ ມີໜ້າທີ່ດັ່ງນີ້:
1. ຜັນຂະຫຍາຍ ແນວທາງການຕ່າງປະເທດຂອງພັກ ໃຫ້ຖືກຕ້ອງ ແລະ ສອດຄ່ອງກັບແຜນຍຸດທະສາດແຜນງານ, ໂຄງການບຸລິມະສິດ ຂອງວຽກງານກະສິກໍາ, ປ່າໄມ້ ແລະ ພັດທະນາຊົນນະບົດ ທີ່ວາງອອກໃນແຕ່ລະໄລຍະ ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນດີ;
2. ຈັດກອງປະຊຸມ ເຜີຍແຜ່, ເຊື່ອມຊຶມ ບັນດານິຕິກໍາຕ່າງໆ ກ່ຽວກັບການຮ່ວມມື, ສັນຍາການຮ່ວມມືໃນ ຂອບສອງຝ່າຍ ຫຼາຍຝ່າຍ, ສະຖາບັນການເງິນ ອົງການຈັດຕັ້ງສາກົນທີ່ບໍ່ສັງກັດລັດຖະບານ (INGO) ແລະ ຂອງໜ່ວຍງານຂະແໜງການກະສິກໍາ ແລະ ພັດທະນາຊົນນະບົດ (SWG-ARD), ກະກຽມໃຫ້ການນຳ ແລະ ຄະນະວິຊາການເຂົ້າຮ່ວມກອງປະຊຸມໂຕະມົນແຕ່ລະປີ;
3. ຜັນຂະຫຍາຍ ແລະ ຈັດຕັ້ງປະຕິບັດ ສັນຍາການຮ່ວມມືທະວີພາຄີ ລະຫວ່າງລັດຖະບານ ສປປ ລາວ ແລະ ລັດຖະບານ ສສ ຫວຽດນາມ ທີ່ເຊັນຮ່ວມກັນໃນແຕ່ລະປີ ມາເປັນຂໍ້ຕົກລົງຮ່ວມມືປະຈໍາປີ ລະຫວ່າງ ກະຊວງກະສິກໍາ ແລະ ປ່າໄມ້ ຂອງ ສປປ ລາວ ແລະ ກະຊວງກະສິກໍາ ແລະ ພັດທະນາຊົນນະບົດ ສສ ຫວຽດນາມ ພ້ອມທັງຫັນເປັນແຜນການ, ໂຄງການຮ່ວມມືລະອຽດ;
4. ເປັນເຈົ້າການ ໃນການກະຕຸກ ຊຸກຍູ້ ການຮ່ວມມືຂັ້ນທ້ອງຖິ່ນ ລະຫວ່າງແຂວງ ທີ່ມີຊາຍແດນຕິດຈອດ ກັນ ແລະ ມີທ່າແຮງບົ່ມຊ້ອນຂອງແຕ່ລະຝ່າຍ ເຂົ້າໃນການຮ່ວມມືກັນ ລະຫວ່າງ ສປປ ລາວ ແລະ ສສຫວຽດນາມ ໃຫ້ມີການຂະຫຍາຍຕົວ ແລະ ມີປະສິດທິຜົນ;
5. ເປັນເຈົ້າການ ໃນການປະສານສົມທົບກັບພາກສ່ວນທີ່ກ່ຽວຂ້ອງ ໃນການຈັດກອງປະຊຸມພົບປະ ປະຈໍາປີ ລະຫວ່າງ ກະຊວງກະສິກໍາ ແລະ ປ່າໄມ້ ສປປ ລາວ ແລະ ກະຊວງກະສິກໍາ ແລະ ພັດທະນາຊົນນະບົດ ສສ ຫວຽດນາມ ໃນແຕ່ລະປີ;
6. ຜັນຂະຫຍາຍ ຈັດຕັ້ງປະຕິບັດສັນຍາ, ບົດບັນທຶກ ແລະ ສານແລກປ່ຽນ ລະຫວ່າງ ລັດຖະບານ ສປປ ລາວ ແລະ ລັດຖະບານ ສປ ຈີນ ແລະ ເນື້ອໃນຜົນການພົບປະກັບການນໍາຂັ້ນສູງ ຂອງສອງປະເທດ ຫັນມາເປັນ ແຜນການ, ໂຄງການຮ່ວມມືລະອຽດ;
7. ປະສານສົມທົບກັບພາກສ່ວນທີ່ກ່ຽວຂ້ອງ ໃນການຜັນຂະຫຍາຍ ແລະ ຈັດຕັ້ງປະຕິບັດແຜນແມ່ບົດຄູ່ ຮ່ວມຊາຕາກໍາ ລາວ-ຈີນ ໃຫ້ເກີດດອກອອກຜົນ, ໂດຍຫັນເປັນແຜນການ, ໂຄງການຮ່ວມມືລະອຽດ;
8. ປະສານສົມທົບກັບພາກສ່ວນທີ່ກ່ຽວຂ້ອງ ໃນການຈັດຕັ້ງປະຕິບັດເນື້ອໃນກອງປະຊຸມ ຂອງຄະນະປະສານງານຮ່ວມມືພາກເໜືອລາວ ກັບ ແຂວງ ຢຸນນານ ສປ ຈີນ ໃນແຕ່ລະປີ;
9. ປະສານສົມທົບກັບພາກສ່ວນກ່ຽວຂ້ອງ ທັງຢູ່ຂັ້ນສູນກາງ ແລະ ທ້ອງຖິ່ນ ເພື່ອສຶກສາຄົ້ນຄວ້າເນື້ອໃນການຮ່ວມມື ແລະ ເຂົ້າຮ່ວມເຈລະຈາ ຍາດແຍ່ງເອົາການຊ່ວຍເຫຼືອທັງພາຍໃນ ແລະ ຕ່າງປະເທດ ມາປະກອບ ສ່ວນໃນການຈັດຕັ້ງປະຕິບັດແຜນພັດທະນາກະສິກໍາ, ປ່າໄມ້ ແລະ ພັດທະນາຊົນນະ ບົດ ແລະ ສັນຍາສອງຝ່າຍ, ຫຼາຍຝ່າຍ ໃຫ້ສໍາເລັດຕາມຄາດໝາຍ;
10. ສົມທົບກັບພາກສ່ວນກ່ຽວຂ້ອງ ຄົ້ນຄ້ວານໍາສະເໜີ ການຮັບຮອງເອົາໂຄງການຕ່າງໆ ທີ່ໄດ້ຮັບທຶນຊ່ວຍ ເຫຼືອທາງການເພື່ອການພັດທະນາ ແລະ ສົມທົບກັບພາກສ່ວນກ່ຽວຂ້ອງ ເພື່ອປັບປຸງກົນໄກການປະສານງານ, ກົນໄກການຮ່ວມມື, ຄົ້ນຄວ້າອອກແຈ້ງການແນະນໍາ, ຂັ້ນຕອນຍາດແຍ່ງການຊ່ວຍເຫຼືອ ຈາກຕ່າງ ປະເທດ ດ້ານການຮ່ວມມື ໃຫ້ເປັນລະບົບແຕ່ສູນກາງຮອດທ້ອງຖິ່ນ;
11. ປະສານ ສົມທົບກັບພາກສ່ວນທີ່ກ່ຽວຂ້ອງ ຄົ້ນຄວ້າ ເພື່ອກະກຽມດ້ານເນື້ອໃນ ແລະ ຂຶ້ນແຜນງົບປະມານ ໃນການເຂົ້າຮ່ວມກອງປະຊຸມ ລະດັບຕ່າງໆ ໃຫ້ແກ່ການນໍາ ແລະ ຄະນະວິຊາການ ຢູ່ພາຍໃນ ແລະ ຕ່າງ ປະເທດ;
12. ສົມທົບກັບພາກສ່ວນທີ່ກ່ຽວຂ້ອງ ເພື່ອປັບປຸງ, ຄຸ້ມຄອງ ລະບົບຖານຂໍ້ມູນ ແລະ ເອກະສານກ່ຽວກັບວຽກງານການຮ່ວມມື ໃນຂະແໜງກະສິກໍາ ແລະ ປ່າໄມ້;
13. ຄົ້ນຄ້ວາ ນໍາສະເໜີຮັບເອົາຊ່ຽວຊານ, ອາສາສະໝັກ ແລະ ບັນດານັກສຶກສາແລກປ່ຽນບົດຮຽນ ທັງພາຍໃນ ແລະ ຕ່າງປະເທດ ພ້ອມທັງຄຸ້ມຄອງ ແລະ ອໍານວຍຄວາມສະດວກ ໃນລະຫວ່າງການປະຕິບັດໜ້າທີ່ ຢູ່ ສປປ ລາວ ເປັນຕົ້ນ ວີຊາເຂົ້າ-ອອກ, ບັດພັກເຊົາ, ບັດປະຈໍາຕົວ ແລະ ອື່ນໆ ຕາມລະບຽບການວາງອອກ;
14. ເປັນໃຈກາງໃນການສັງລວມບັນດາແນວທາງນະໂຍບາຍເປີດກວ້າງ ການພົວພັນ, ຮ່ວມມືກັບສາກົນ ແລະ ການເຊື່ອມໂຍງເສດຖະກິດ ລະດັບພາກພື້ນ ແລະ ສາກົນ, ບັນດາລະບຽບກົດໝາຍ, ຂໍ້ຕົກລົງຕ່າງໆ ແລະ ແຜນພັດທະນາເສດຖະກິດ-ສັງຄົມ ຂອງສປປ ລາວ, ແຜນຍຸດທະສາດ, ແຜນງານການຮ່ວມມື;
15. ສັນຍາການຮ່ວມມືເສດຖະກິດຕ່າງ ຂອງອາຊຽນ, ພາກພື້ນ, ອະນຸພາກພື້ນ, ການສ້າງເຂດການຄ້າເສລີສອງຝ່າຍ ແລະ ຫຼາຍຝ່າຍ, ວຽກງານການຄ້າໂລກ ແລະ ຈຸດສອບຖາມສຸຂານາໄມພືດ ແລະ ສັດ;
16. ທຸກການພົວພັນ ແລະ ປະສານງານ ຕ້ອງໄດ້ແຈ້ງໃຫ້ບັນດາກອງເລຂາແຫ່ງຊາດ ຂອງຕົນຊາບຕາມຫຼັກ ການບໍລິການຜ່ານປະຕູດຽວ;
17. ເປັນໃຈການໃນການຄົ້ນຄວ້າ, ເຂົ້າຮ່ວມສຶກສາ, ວິເຄາະຜົນປະໂຫຍດ ຂອງວຽກງານການເຊື່ອມໂຍງເສດຖະກິດເຊັ່ນ: ການຮ່ວມມືອາຊຽນ; ການຮ່ວມມືເສດຖະກິດອະນຸພາກພື້ນ, ພາກພື້ນ; ການສ້າງເຂດການຄ້າເສລີສອງຝ່າຍ ແລະ ຫຼາຍຝ່າຍ, ວຽກງານອົງການການຄ້າໂລກ ແລະ ຈຸດສອບຖາມສຸຂານາໄມພືດ ແລະ ສັດ ຂອງວຽກງານກະສິກຳ, ປ່າໄມ້ ແລະ ພັດທະນາຊົນນະບົດ ໂດຍການປະສານສົມທົບກັບພາກ ສ່ວນກ່ຽວຂ້ອງຕ່າງໆ ຢູ່ຂັ້ນສູນກາງ ແລະ ທ້ອງຖິ່ນ;
18. ເປັນໃຈກາງໃນການປະສານສົມທົບ ກັບບັນດາພາກສ່ວນກ່ຽວຂ້ອງ ເພື່ອຈັດຕັ້ງກອງປະຊຸມເຜີຍແຜ່ວຽກງານການຮ່ວມມືອາຊຽນ; ຮ່ວມມືເສດຖະກິດ ອະນຸພາກພື້ນ, ພາກພື້ນ; ການສ້າງເຂດການຄ້າເສລີສອງຝ່າຍ ແລະ ຫຼາຍຝ່າຍ, ວຽກງານການຄ້າໂລກ ແລະ ຈຸດສອບຖາມສຸຂານາໄມພືດ ແລະ ສັດ ໃຫ້ພາກສ່ວນທີ່ກ່ຽວຂ້ອງ ທັງພາກລັດ ແລະ ເອກະຊົນ ແນໃສ່ຄວາມເປັນເອກະພາບພາຍໃນ ທາງດ້ານທັດສະນະການເຊື່ອມໂຍງເສດຖະກິດກັບພາກພື້ນ ແລະ ສາກົນ;
19. ເປັນໃຈກາງໃນການປະສານງານ ກັບບັນດາພາກສ່ວນກ່ຽວຂ້ອງ ຢູ່ຂັ້ນສູນກາງ ແລະ ທ້ອງຖິ່ນ ເຂົ້າຮ່ວມເຄື່ອນໄຫວວຽກງານເຊື່ອມໂຍງເສດຖະກິດ ເຊັ່ນ: ຮ່ວມມືອາຊຽນ; ຮ່ວມມືເສດຖະກິດອະນຸພາກພື້ນ,ພາກພື້ນ; ການສ້າງເຂດການຄ້າເສລີສອງຝ່າຍ ແລະ ຫຼາຍຝ່າຍ, ແລວທາງເສດຖະກິດຕ່າງໆ, ວຽກງານການຄ້າໂລກ ແລະ ຈຸດສອບຖາມສຸຂານາໄມພືດ ແລະ ສັດ ຂອງຂະແໜງການກະສິກຳ, ປ່າໄມ້ ແລະ ພັດ ທະນາຊົນນະບົດ ເພື່ອເປັນການຍາດແຍ່ງເອົາຜົນປະໂຫຍດ ໃຫ້ແກ່ປະເທດຊາດ ຫຼາຍເທົ່າທີ່ຈະຫຼາຍໄດ້;
20. ເປັນໃຈກາງປະສານສົມທົບ ກັບພາກສ່ວນກ່ຽວຂ້ອງ ເພື່ອສັງລວມແຜນການເຄື່ອນໄຫວເຂົ້າຮ່ວມ ກອງປະຊຸມ, ແຜນເປັນເຈົ້າພາບ ແລະ ເປັນປະທານຈັດກອງປະຊຸມ ເພື່ອຂຶ້ນແຜນງົບປະມານ ປະຈຳແຕ່ລະປີກ່ຽວກັບ ວຽກງານການຮ່ວມມືອາຊຽນ, ຮ່ວມມືເສດຖະກິດອະນຸພາກພື້ນ, ພາກພື້ນ; ການສ້າງເຂດການຄ້າເສລີ ສອງຝ່າຍ ແລະ ຫຼາຍຝ່າຍ, ວຽກງານການຄ້າໂລກ ແລະ ຈຸດສອບຖາມ ສຸຂານາໄມພືດ ແລະ ສັດ ຂອງວຽກງານກະສິກຳ, ປ່າໄມ້ ແລະ ພັດທະນາຊົນນະບົດ;
21. ເປັນໃຈກາງໃນການຊຸກຍູ້, ຕິດຕາມ ການຈັດຕັ້ງປະຕິບັດບັນດາແຜນງານ, ຂໍ້ຕົກລົງ, ສັນຍາການຮ່ວມມື, ວຽກງານຮ່ວມມືອາຊຽນ; ຮ່ວມມືເສດຖະກິດອະນຸພາກພື້ນ, ພາກພື້ນ; ວຽກງານການຄ້າໂລກ ແລະ ຈຸດສອບຖາມສຸຂານາໄມພືດ ແລະ ສັດ ຂອງວຽກງານກະສິກຳ, ປ່າໄມ້ ແລະ ພັດທະນາຊົນນະບົດ;
22. ເປັນໃຈກາງປະສານງານ ກັບພາກສ່ວນກ່ຽວຂ້ອງ ເພື່ອສະຫຼຸບ, ສັງເກດຕີລາຄາ ການຈັດຕັ້ງຜັນຂະຫຍາຍ ແຜນຍຸດທະສາດ, ແຜນງານການຮ່ວມມື, ສັນຍາການຮ່ວມມືເສດຖະກິດຕ່າງໆ ຂອງອາຊຽນ, ອະນຸພາກພື້ນ, ພາກພື້ນ (ກົມຮ່ວມມືສາກົນ ກະຊວງແຜນການ ແລະ ການລົງທຶນ); ອົງການການຄ້າໂລກ ເພື່ອລາຍງານໃຫ້ຂັ້ນເທິງ ແລະ ກອງເລຂາອາຊຽນແຫ່ງຊາດ (ກົມອາຊຽນ, ກົມເສດຖະກິດ ກະຊວງການຕ່າງປະເທດ); ຈຸດປະສານງານການສ້າງປະຊາຄົມເສດຖະກິດອາຊຽນ ແລະ ອົງການການຄ້າໂລກ (ກົມນະໂຍບາຍການຄ້າຕ່າງປະເທດ ກະຊວງອຸດສາຫະກຳ ແລະ ການຄ້າ) ໃນແຕ່ລະໄລຍະ;
23. ເປັນໃຈກາງໃນການຄົ້ນຄວ້າທິດທາງ, ນະໂຍບາຍການຄ້າ, ລະບຽບການຄ້າກະສິກຳ, ການສ້າງເຂດການຄ້າເສລີ ແລະ ການສ້າງແຜນຜູກມັດອັດຕາພາສີ ຢູ່ໃນຂັ້ນຕອນການຫັນນະໂຍບາຍ ແລະ ມາດຕະການປົກປ້ອງການຜະລິດຕ່າງໆ ເປັນອັດຕາພາສີ, ແຜນຫຼຸດຜ່ອນອັດຕາພາສີ ແລະ ລຶບລ້າງສິ່ງກີດຂວາງທີ່ບໍ່ແມ່ນອັດຕາພາສີ, ໂດຍການປະສານສົມທົບກັບພາກສ່ວນກ່ຽວຂ້ອງ ລວມທັງພາກລັດ ແລະ ເອກະຊົນ ຢູ່ຂັ້ນສູນກາງ ແລະ ທ້ອງຖິ່ນ, ແລະ ກຳນົດຍຸດທະວິທີ ໃນການເຈລະຈາ ການຄ້າກະສິກຳ ແລະ ປ່າໄມ້ ໃນຂອບການຄ້າສອງຝ່າຍ ແລະ ຫຼາຍຝ່າຍ ເພື່ອໃຫ້ໄດ້ຜົນປະໂຫຍດສູງສຸດ;
24. ເປັນໃຈກາງໃນການສຶກສາ ແລະ ຄົ້ນຄວ້າ ວຽກງານການປະຕິບັດສັນຍາ, ຂໍ້ຜູກພັນ ແລະ ພັນທະໃນການເຂົ້າເປັນສະມາຊິກ ຂອງອົງການການຄ້າໂລກ ໃຫ້ກອງເລຂາຂອງຄະນະກຳມະການປະສານງານລະດັບຊາດ ວ່າດ້ວຍການເຊື່ອມໂຍງເສດຖະກິດກັບສາກົນ ແລະ ຄົ້ນຄວ້າວຽກງານ ໜ່ວຍງານອັຟຕາ ແຫ່ງຊາດ ແລະ ວຽກທີ່ຕິດພັນກັບ ການສ້າງເຂດການຄ້າເສລີອາຊຽນ ແລະ ອາຊຽນກັບປະເທດຄູ່ເຈລະຈາຕ່າງໆ ຂອງອາຊຽນ (ອົດສະຕາລີ-ນິວຊີແລນ, ສປ ຈີນ, ອິນເດຍ, ຍີ່ປຸ່ນ, ສ. ເກົາຫຼີ);
25. ເປັນໃຈກາງປະສານງານ ກັບພາກສ່ວນທີ່ກ່ຽວຂ້ອງ ໃນການປັບປຸງ ແລະ ພັດທະນາລະບຽບການ, ຂໍ້ຕົກ ລົງ, ກົດໝາຍຕ່າງໆ ຂອງວຽກງານກະສິກຳ, ປ່າໄມ້ ແລະ ພັດທະນາຊົນນະບົດ, ໃນເງື່ອນໄຂເຊື່ອມໂຍງເສດຖະກິດ ກັບພາກພື້ນ ແລະ ສາກົນ ເພື່ອເຮັດໃຫ້ບັນດາກົດໝາຍ ທີ່ສ້າງຂຶ້ນມາແລ້ວນັ້ນສອດຄ່ອງກັບລະບຽບຫຼັກການສາກົນ ກໍຄື ອົງການການຄ້າໂລກ;
26. ຂຶ້ນແຜນຄວາມຕ້ອງການ ໃນການພັດທະນາຊັບພະຍາກອນມະນຸດ ເພື່ອກໍ່ສ້າງຍົກລະດັບ ຄວາມຮູ້,ຄວາມສາມາດດ້ານວິຊາສະເພາະ ແລະ ພາສາຕ່າງປະເທດໃຫ້ແກ່ພະນັກງານ ທີ່ເຄື່ອນໄຫວວຽກງານຮ່ວມມື ຂອງຫ້ອງການ, ບັນດາກົມ, ສະຖາບັນ, ຫົວໜ່ວຍວິຊາການລະດັບສອງ ອ້ອມຂ້າງກະຊວງ, ບັນດາພະແນກ, ສູນຂອງກົມ ແລະ ຂະແໜງການສາຍຕັ້ງຢູ່ທ້ອງຖິ່ນ ຕາມຄວາມຮຽກຮ້ອງຕ້ອງການຂອງວຽກງານ ໃນແຕ່ລະໄລຍະ;
27. ເປັນຈຸດສອບຖາມ ວຽກງານສຸຂານາໄມພືດ ແລະ ສັດ ຂອງຂະແໜງກະສິກຳ ແລະ ປ່າໄມ້ ໂດຍການສົມ ທົບກັບຈຸດປະສານງານ ຢູ່ ກົມປູກຝັງ, ກົມລ້ຽງສັດ ແລະ ການປະມົງ ແລະ ກົມອາຫານ ແລະ ຢາ ກະຊວງ ສາທາລະນະສຸກ ແລະ ວຽກງານອື່ນໆ ທີ່ກ່ຽວຂ້ອງເຊັ່ນ: ຈຸດແຈ້ງຂໍ້ມູນ (NTP) ວຽກງານອົງການການຄ້າໂລກ ທີ່ກົມນະໂຍບາຍການຄ້າຕ່າງປະເທດ ກະຊວງອຸດສາຫະກຳ ແລະ ການຄ້າ ຈຸດແຈ້ງຂໍ້ມູນສິ່ງກີດ ຂວາງດ້ານເຕັກນິກ ຕໍ່ການຄ້າ (TBT-EP) ກົມມາດຕະຖານ, ກະຊວງອຸດສະຫະກຳ ແລະ ການຄ້າ;
28. ສະຫລຸບ, ສັງລວມ ລາຍງານ ການຈັດຕັ້ງປະຕິບັດວຽກງານຮ່ວມມື ປະຈໍາ 3 ເດືອນ, 6 ເດືອນ, 9 ເດືອນ ແລະ ປະຈໍາປີ ໃຫ້ການນຳກົມ ແລະ ກະຊວງຊາບເປັນປົກກະຕິ;
29. ປະຕິບັດຫນ້າທີ່ອື່ນ ຕາມການຕົກລົງ ແລະ ມອບໝາຍຂອງຂັ້ນເທິງ.