ກອງປະຊຸມໜ່ວຍງານການຄຸ້ມຄອງປ່າໄມ້ ອາຊຽນ ຄັ້ງທີ 14, ທີ່ ໂຮງແຮມເອເລວັນ, ເມືອງປາກເຊ, ແຂວງ ຈໍາປາສັກ, ໃນວັນທີ 22-24 ພຶດສະພາ 2018 (The 14th Meeting of the ASEAN Working Group on Forest Management)
ເພື່ອເປັນການປະຕິບັດຕາມສິດແລະພັນທະ ຂອງປະເທດສະມາຊິກອາຊຽນ ກ່ຽວກັບ ການເປັນເຈົ້າພາບຈັດ ແລະ ເປັນປະທານກອງປະຊຸມ ອາຊຽນ ໃນແຕ່ລະລໍາດັບ (ລະດັບໜ່ວຍງານວິຊາການ, ລະດັບໜ່ວຍງານຊຽວຊານ, ລະດັບເຈົ້າໜ້າທີ່ອາວຸໂສ, ລະດັບລັດຖະມົນຕີ), ສປປ ລາວ ກໍຄື ກະຊວງກະສິກຳ ແລະ ປ່າໄມ້, ກົມປ່າໄມ້ ແລະ ກົມກວດກາປ່າໄມ້ ໄດ້ເປັນເຈົ້າການປະສານສົມທົບ ກັບກອງເລຂາອາຊຽນ ທີ່ ນະຄອນຫລວງຈາກາກຕາ ປະເທດອິນໂດເນເຊຍ ເພື່ອຈັດກອງປະຊຸມ ໜ່ວຍງານການຄຸ້ມຄອງປ່າໄມ້ ອາຊຽນ ຄັ້ງທີ 14 ທີ່ ໂຮງແຮມເອຣາວັນ, ນະຄອນປາກເຊ, ແຂວງຈຳປາສັກ ໃນລະຫວ່າງ ວັນທີ 22-24 ພຶດສະພາ 2018. Continue reading
ກອງປະຊຸມປຶກສາຫາລືຜົນຂອງການສໍາຫຼວດຕົ້ນທຶນການຜະລິດເຂົ້ານາປີ 2017 ຂອງຊາວກະສິກອນໃນ 10 ແຂວງເປົ້າໝາຍການຜະລິດເຂົ້າເພື່ອຄໍ້າປະກັນສະບຽງອາຫານ ແລະ ຜະລິດເປັນສິນຄ້າ
ໄດ້ຈັດຂຶ້ນໃນເວລາ 13:30-16:00 ຂອງວັນທີ17ພຶດສະພາ2018ເວລາ ທີ່ຫ້ອງປະຊຸມກົມແຜນການ ແລະ ການເງິນ, ກະຊວງກະສິກຳ ແລະ ປ່າໄມ້,ໂດຍການເປັນປະທານຂອງທ່ານ ສະຫວັນ ຫານພົມ ຮອງຫົວໜ້າກົມແຜນການແລະການເງິນ,ມີຜູ້ຕາງໜ້າຈາກບັນດາຫ້ອງການ, ກົມ, ສະຖາບັນ ແລະ ພະແນກການຕ່າງໆອ້ອມຂ້າງ ກະຊວງກະສິກຳ ແລະ ປ່າໄມ້, ນອກນັ້ນຍັງມີ ຜູ້ຕາງໜ້າຈາກ ກະຊວງອຸດສະຫະກຳ ແລະ ການຄ້າ ແລະ ສູນສະຖິຕິແຫ່ງຊາດ ເຂົ້າຮ່ວມທັງໝົດ 27 ທ່ານ, ຍິງ07ທ່ານ. Continue reading
ການເຊັນສັນຍາກູ້ຢືມເງິນຈາກທະນາຄານໂລກ 25 ລ້ານໂດລາ ເພື່ອພັດທະນາຄຸນນະພາບດ້ານກະສິກໍາ
ໃນ ວັນທີ 17 ພຶດສະພາ 2018 ທີ່ ກະຊວງການເງິນ ໄດ້ມີການຈັດພິທີເຊັນສັນຍາ ກູ້ຢືມເງິນຈຳນວນ 25 ລ້ານໂດລາສະລັດ ຈາກທະນາຄານ ໂລກ ໃນການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ສປປ ລາວ, ເຊິ່ງໂຄງການດັ່ງກ່າວ ແມ່ນຈະສະໜັບສະໜູນ 28.000 ຄົວເຮືອນ ຂອງຊາວກະສິກອນຈາກ 224 ບ້ານ ໃນຂົງເຂດຊົນນະບົດ ໂດຍມີຈຸດປະສົງເພື່ອເພີ່ມຄວາມອາດສາມາດ ໃນການແຂ່ງຂັນ ຂອງໂຕ່ງໂສ້ມູນຄ່າຂອງສິນຄ້າກະສິກຳ ໃນພື້ນທີ່ໂຄງການ ຊື່ງຈະເນັ້ນໃສ່ ການປັບປຸງປະສິທິພາບ ແລະ ຄວາມຍືນຍົງ ໃນການເຮັດ ກະສິກຳ ແລະ ການເພີ່ມຂີດຄວາມສາມາດທາງການຄ້າຂາຍສິນຄ້າກະສິກຳ. Continue reading
ກອງປະຊຸມລັດຖະບານສະໄໝສາມັນ ປະຈຳເດືອນກຸມພາ 2016 ໄດ້ໄຂຂຶ້ນໃນວັນທີ 23 ກຸມພາ ໂດຍການເປັນປະທານ ຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານເຂົ້າຮ່ວມ.
ກອງປະຊຸມຄັ້ງນີ້ໄດ້ປຶກສາຫາລື, ປະກອບຄຳຄິດຄຳເຫັນ ແລະ ຮັບຮອງເອົາທາງດ້ານຫຼັກການຕໍ່ບາງບັນຫາສຳຄັນຄື:
1. ກອງປະຊຸມໄດ້ພິຈາລະນາ ແລະ ເຫັນດີຮັບຮອງເອົາການປັບປຸງດຳລັດວ່າດ້ວຍທຸລະກິດໂຮງຊວດຈຳເພື່ອກຳນົດຫຼັກການ, ລະບຽບການກ່ຽວກັບການສ້າງຕັ້ງ, ການເຄື່ອນໄຫວ, ການຄຸ້ມຄອງ ແລະ ຕິດຕາມກວດກາທຸລະ ກິດຊວດຈຳ ເພື່ອເຮັດໃຫ້ການ ດຳເນີນທຸລະກິດຊວດຈຳເປັນ ລະບົບ, ຖືກຕ້ອງຕາມກົດໝາຍ ແລະ ລະບຽບການ ແນໃສ່ແກ້ ໄຂຄວາມຝືດເຄືອງທາງດ້ານ ການເງິນໃນເວລາຈຳເປັນ ແລະ ຮີບດ່ວນຂອງປະຊາຊົນ ລວມທັງຮັບປະກັນການໃຊ້ ແທນໜີ້ສິນ ປະກອບສ່ວນເຂົ້າ ໃນການພັດທະນາເສດຖະກິດ - ສັງຄົມຂອງຊາດ ແລະ ສ້າງ ຄວາມເປັນລະບຽບຮຽບຮ້ອຍ ດ້ານການຈັດຕັ້ງ ແລະ ການເຄື່ອນໄຫວຂອງໂຮງຊວດຈຳຢູ່ໃນສັງຄົມ. ຕໍ່ບັນຫາດັ່ງກ່າວ, ກອງປະຊຸມໄດ້ມີທິດຊີ້ນຳໃຫ້ພາກສ່ວນກ່ຽວຂ້ອງນຳໄປປັບປຸງຕື່ມເປັນຕົ້ນຕ້ອງກຳນົດຂອບເຂດການຊວດຈຳໃຫ້ຢູ່ ໃນຂອບສັງຫາ ລິມະຊັບ ບໍ່ ແມ່ນໃນຂອບອະສັງຫາລິມະ ຊັບ, ການກຳນົດອັດຕາດອກ ເບ້ຍແມ່ນກຳນົດບໍ່ໃຫ້ສູງຈົນ ເກີນໄປ. ອັນສຳຄັນແມ່ນການ ກຳນົດໄລຍະເວລາໃນການຊຳ ລະສະຊາງຕ້ອງລະອຽດ, ຈະ ແຈ້ງ ໂດຍອີງຕາມຈຳນວນເງິນ ກູ້ຢືມຕາມສັນຍາ ແລະ ບົດບັນທຶກທີ່ກຳນົດໄວ້ໂດຍຕ້ອງມີ ການແຈ້ງເຕືອນລ່ວງໜ້າ.
