ໜ້າທີ່ ແລະ ຂອບເຂດສິດ

ໜ້າທີ່ ແລະ ຂອບເຂດສິດ
ໜ້າທີ່

ເປັນເຈົ້າການ ໃນການປະສານງານກັບບັນດາກົມ, ກອງ, ສະຖາບັນອ້ອມຂ້າງກະຊວງ, ພະແນກການ ສາຍຕັ້ງ ຂອງກະຊວງ, ກະຊວງຂະແໜງການກ່ຽວຂ້ອງ ເພື່ອສ້າງ ແລະ ພັດທະນາແຜນນະໂຍບາຍ ແລະ ຍຸດທະສາດຂອງຂະແໜງການກະສິກຳ ແລະ ປ່າໄມ້ ແລະ ນຳສະເໜີ ຕໍ່ລັດຖະມົນຕີວ່າການກະຊວງກະ ສິກຳ ແລະ ປ່າໄມ້ພິຈາລະນາຂໍການອະນຸມັດຈາກລັດຖະບານ;

ເປັນເຈົ້າການ ໃນການປະສານງານກັບບັນດາກົມ, ກອງ, ສະຖາບັນອ້ອມຂ້າງກະຊວງ, ພະແນກການ ສາຍຕັ້ງ ຂອງກະຊວງ ເພື່ອຜັນຂະຫຍາຍນະໂຍບາຍ ແລະ ຍຸດທະສາດຂອງຂະແໜງການກະສິກຳ ແລະ ປ່າໄມ້ ໃຫ້ເປັນແຜນງານ, ແຜນການ,ໂຄງການອັນລະອຽດເປັນແຕ່ລະໄລຍະ;
ເປັນເຈົ້າການ ໃນການປະສານງານກັບບັນດາກົມກອງສະຖາບັນອ້ອມຂ້າງກະຊວງ, ພະແນກການສາຍ ຕັ້ງຂອງກະຊວງກະສິກຳ ແລະ ປ່າໄມ້, ກະຊວງຂະແໜງການກ່ຽວຂ້ອງໃນການສ້າງ ແລະ ຄຸ້ມຄອງແຜນ ການ ແລະ ແຜນການລົງທຶນຂອງລັດປະຈຳປີ ເພື່ອສະເໜີ ຕໍ່ລັດຖະມົນຕີວ່າການກະຊວງກະສິກຳ ແລະ ປ່າໄມ້ ພິຈາລະນາສະເໜີຕໍ່ລັດຖະບານ;

ເປັນເຈົ້າການປະກອບສ່ວນຄົ້ນຄວ້ານຳສະເໜີ ແລະ ຜັນຂະຫຍາຍນະໂຍບາຍ, ຍຸດທະສາດ, ກົດໝາຍ, ດຳລັດ, ຂໍ້ຕົກລົງ, ບົດແນະນຳ ແລະ ບັນດານິຕິກຳ ອຶ່ນໆ ທີ່ກ່ຽວຂ້ອງກັບຂະແໜງກະສິກຳ ແລະ ປ່າໄມ້ ວ່າດ້ວຍການຈັດຕັ້ງປະຕິບັດ ແຜນພັດທະນາ ເສດຖະກິດ-ສັງຄົມແຫ່ງຊາດໃນແຕ່ລະໄລຍະມາ ເປັນອັນ ລະອຽດ, ພ້ອມກັນນັ້ນ ເປັນໃຈກາງໃນການປະສານງານ ກັບບັນດາກົມ, ກອງ, ສະຖາບັນອ້ອມຂ້າງ ກະ ຊວງ ໃນການຜັນຂະຫຍາຍບັນດານິຕິກຳຕ່າງໆ ທີ່ກ່າວມາຂ້າງເທິງນັ້ນ ໃນການຈັດຕັ້ງປະຕິບັດ ຕົວຈິງ ສຳລັບຂະແໜງ ກະສິກຳ ແລະ ປ່າໄມ້;

ອອກຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກ ແລະ ສູນທີ່ຂື້ນກັບກົມ; ອອກຄຳສັ່ງ, ຄຳແນະນຳ ແລະ ແຈ້ງການເຖິງຫົວໜ້າພະແນກ, ສູນ ແລະ ຂະແໜງແຜນການທີ່ຂຶ້ນກັບພະແນກ ກະສິກຳ ແລະ ປ່າໄມ້ປະຈຳແຂວງ ແລະ ນະຄອນຫຼວງ; ຊຸກຍູ້ເຜີຍແຜ່ເຊື່ອມຊຶມ ແລະ ຊຸກຍູ້ ການຈັດຕັ້ງ ປະຕິບັດ ແຜນການພັດທະນາກະສິກຳ ແລະ ປ່າໄມ້ ໃຫ້ໄດ້ຮັບຜົນຕາມລະດັບຄາດໝາຍ.

ເປັນເຈົ້າການ ປະສານສົມທົບກັບພາກສ່ວນກ່ຽວຂ້ອງ ເກັບກຳ, ສັງລວມ, ປຸງແຕ່ງ, ວິໄຈຂໍ້ມູນ, ລາຍງານ ສະຖິຕິ ແລະ ຂໍ້ມູນດ້ານວຽກງານກະສິກຳ ທົ່ວປະເທດໃນແຕ່ລະໄລຍະ ເພື່ອສະໜອງສະຖິຕິ ແລະ ຂໍ້ມູນ ດ້ານວຽກງານກະສິກຳ ທີ່ມີຄຸນນະພາບ ໃຫ້ແກ່ທຸກພາກສ່ວນທີ່ກ່ຽວຂ້ອງ;

ເປັນເຈົ້າການ ປະສານສົມທົບກັບພາກສ່ວນກ່ຽວຂ້ອງ ສຶກສາຄົ້ນຄວ້າ ວິໄຈສະພາບການເໜັງຕີງຂອງ ເສດຖະກິດ-ສັງຄົມ, ຜົນກະທົບຈາກໄພທຳມະຊາດຕໍ່ຂະແໜງການກະສິກຳ ແລະ ປ່າໄມ້ ເພື່ອນຳສະ ເໜີຕໍ່ລັດຖະມົນຕີວ່າການກະຊວງກະສິກຳ ແລະ ປ່າໄມ້ ພິຈາລະນາອອກນະໂຍບາຍ ຫຼື ມາດຕະການ ແກ້ໄຂໃຫ້ທ່ວງທັນກັບສະພາບການ;

ປະສານສົມທົບກັບພາກສ່ວນກ່ຽວຂ້ອງ ທັງພາຍໃນ ແລະ ຕ່າງປະເທດ ໃນການຮ່ວມມືດ້ານວິທະຍາ ສາດ-ເຕັກນິກ, ສະໜອງ ແລະ ແລກປ່ຽນຂໍ້ມູນ ແລະ ສະຖິຕິ ກະສິກຳ.

ປະສານສົມທົບ ກັບຫ້ອງການ, ບັນດາກົມ, ກອງ, ສະຖາບັນ ແລະ ຂະແໜງການສາຍຕັ້ງຂອງຕົນ ເພື່ອ ເປັນເຈົ້າການ ໃນການສ້າງ ແລະ ປັບປຸງລະບົບຕາໜ່າງແຜນການ, ການເງິນ, ຮ່ວມມື, ລົງທຶນ, ການສຳຫຼວດເກັບກຳຂໍ້ມູນສະຖິຕິກະສິກຳ ຢ່າງມີປະສິດທິຜົນ ບົນພື້ນຖານການປະສານ ສົມທົບກັບພາກສ່ວນທີ່ ກ່ຽວຂ້ອງ ເພື່ອຫັນໄປສູ່ອັນທັນສະໄໝເທື່ອລະກ້າວ;

ເປັນເຈົ້າການປະສານສົມທົບກັບພາກສ່ວນກ່ຽວຂ້ອງພາຍໃນຂະແໜງການ ສະຫຼຸບຕີລາຄາການຈັດຕັ້ງ ປະຕິບັດວຽກງານກະສິກຳ ແລະ ປ່າໄມ້ ປະຈຳ 3 ເດືອນ, 6 ເດືອນ, 9 ເດືອນ ແລະ ປະຈຳປີ ພ້ອມທັງ ສ້າງ ແລະ ດັດແກ້ແຜນການ ເພື່ອສະເໜີຕໍ່ລັດຖະມົນຕີວ່າການກະຊວງກະສິກຳ ແລະ ປ່າໄມ້ ພິຈາລະ ນາຮັບຮອງເອົາ ກ່ອນຈະສົ່ງໃຫ້ພາກສ່ວນກ່ຽວຂ້ອງ;

ສ້າງແຜນ ແລະ ສະຫຼຸບການຈັດຕັ້ງປະຕິບັດແຜນການເຄື່ອນໄຫວວຽກງານຕາມພາລະບົດບາດຂອງກົມ ແຜນການ ເພື່ອກຳນົດໄດ້ດ້ານດີ, ດ້ານອ່ອນ, ຂໍ້ຄົງຄ້າງ ແລະ ຖອດຖອນບົດຮຽນ ແນໃສ່ປັບປຸງແບບ ແຜນ ວິທີເຮັດວຽກ ແລະ ພັດທະນາວຽກງານຂອງກົມແຜນການ;

ເປັນໃຈກາງໃນການຂຶ້ນແຜນງົບປະມານກໍ່ສ້າງ, ບຳລຸງ, ຍົກລະດັບຄວາມຮູ້ຄວາມສາມາດ ກ່ຽວກັບການ ເຊື່ອມໂຍງວຽກແຜນການ, ວຽກການເງິນ, ວຽກຮ່ວມມື, ວຽກລົງທຶນ, ວຽກສະຖິຕິ, ລະບົບຂໍ້ມູນຂ່າວສານ ແລະ ການຄຸ້ມຄອງໂຄງການ ໃຫ້ແກ່ພະນັກງານທົ່ວຂະແໜງແຜນການ ທັງຢູ່ສູນກາງ ແລະ ທ້ອງຖິ່ນ ;

ຄຸ້ມຄອງລະບົບເງິນເດືອນ, ເງິນນະໂຍບາຍ, ຊັບສິນ, ພາຫານະ ແລະ ອຸປະກອນຂອງຂະແໜງການ ເພື່ອ ຮັບປະກັນການເຄື່ອນໄຫວວຽກງານຕາມລະບຽບການທີ່ໄດ້ກຳນົດອອກ;

ຊຸກຍູ້ ຕິດຕາມ ແລະ ກວດກາການນຳໃຊ້ງົບປະມານ, ຄຸ້ມຄອງການເງິນ ແລະ ການບັນຊີ, ຄຸ້ມຄອງການ ນຳໃຊ້ການເງິນລວມຂອງກະຊວງເຊັ່ນ: ເງີນເດືອນ, ເງີນອຸດໜູນ, ເງີນນະໂຍບາຍ, ເງີນບໍລິຫານປົກກະ ຕິ, ເງີນດັດສົມ ແລະ ສົ່ງເສີມ, ເງີນຊື້ຊັບສົມບັດຄົງທີ່ຮັບໃຊ້ບໍລິຫານ ແລະ ເງີນລົງທຶນຂອງລັດ. ກວດກາ “0″ ໂມງ ແລະ ປະເມີນຜົນການນຳໃຊ້ງົບປະມານ ນັບທັງທຶນພາຍໃນພາກຕ່າງໆ ຕາມສາລະບັນງົບປະ ມານ ຂອງລັດ, ທຶນຊ່ວຍເຫຼືອ ແລະ ກູ້ຢືມຂອງຂະແໜງການກະສິກຳ ແລະ ປ່າໄມ້ໃຫ້ມີປະສິດ ທິຜົນ;

ເກັບກຳ, ຕິດຕາມ ແລະ ສັງລວມຂຶ້ນບັນຊີ ຄຸ້ມຄອງຊັບສິນຂອງລັດ ເຊັ່ນ: ທີ່ດິນ, ສິ່ງປຸກສ້າງ, ພາຫານະ, ກົນຈັກ, ອຸປະກອນ ແລະ ເຄື່ອງຮັບໃຊ້ຂອງຂະແໜງກະສິກຳ ແລະ ປ່າໄມ້ ທັງຢູ່ສູນກາງ ແລະ ທ້ອງຖິ່ນ; ສ່ວນໜ້າທີ່ໃນການຄຸ້ມຄອງ, ກວດກາ, ຄົ້ນຄວ້າສ້າງແຜນດຸ່ນດ່ຽງແບ່ງປັນນຳໃຊ້, ນຳສະເໜີຍຸບ ແລະ ສະສາງຊັບສິນຂອງລັດ ແມ່ນຄວາມຮັບຜິດຊອບຂອງຫ້ອງການກະຊວງ ແຕ່ຕ້ອງໄດ້ເປັນເອກະພາບກັບກົມແຜນການ ແລະ ພາກສ່ວນກ່ຽວຂ້ອງ ກ່ອນສະເໜີລັດຖະມົນຕີວ່າການກະຊວງ ກະສິກຳ ແລະ ປ່າໄມ້ ອະນຸມັດຈັດຕັ້ງປະຕິບັດ;

ເປັນໃຈກາງໃນການປະສານງານ ກັບບັນດາພາກສ່ວນກ່ຽວຂ້ອງ ຢູ່ຂັ້ນສູນກາງ ແລະ ທ້ອງຖິ່ນເຂົ້າຮ່ວມເຄື່ອນໄຫວ ວຽກງານເຊື່ອມໂຍງເສດຖະກິດ ເຊັ່ນ: ຮ່ວມມືອາຊຽນ, ຮ່ວມມືເສດຖະກິດພາກພື້ນ, ອະນຸພາກພື້ນ, ການສ້າງເຂດການຄ້າເສລີສອງຝ່າຍ ແລະ ຫລາຍຝ່າຍ, ແລວທາງເສດຖະກິດຕ່າງໆ ແລະ ວຽກງານການຄ້າໂລກຂອງຂະແໜງການກະສິກຳ ແລະ ປ່າໄມ້, ເພື່ອເປັນການຍາດແຍ່ງເອົາຜົນປະ ໂຫຍດໃຫ້ແກ່ປະເທດຊາດຫລາຍເທົ້າທີ່ຈະຫລາຍໄດ້;

ເປັນຈຸດສອບຖາມວຽກງານສຸຂາອະນາໄມ ແລະ ສຸຂາອະນາໄມພືດ ຂອງຂະແໜງກະສິກຳ ແລະ ປ່າໄມ້ ໂດຍການສົມທົບກັບຈຸດປະສານງານ ຢູ່ ກົມປູກຝັງ, ກົມລ້ຽງສັດ ແລະ ການປະມົງ ກະຊວງ ກະສິກຳ ແລະ ປ່າໄມ້ ແລະ ກົມອາຫານ ແລະ ຢາ, ກະຊວງ ສາທາລະນະສຸກ ແລະ ຂະແໜງການອື່ນໆ ທີ່ກ່ຽວ ຂ້ອງ ເຊັ່ນ: ໜ່ວຍແຈ້ງຂໍ້ມູນສຸຂານາໄມ ແລະ ສຸຂານາໄມພືດ ແລະ ສິ່ງກີດຂວາງດ້ານເຕັກນິກຕໍ່ການຄ້າ ຂອງ ກະຊວງ ອຸດສາຫະກຳ ແລະ ການຄ້າ ແລະ ຈຸດສອບຖາມສິ່ງກີດຂວາງດ້ານເຕັກນິກຕໍ່ການຄ້າ ຂອງອົງ ການວິທະຍາສາດ ແລະ ເຕັກໂນໂລຊີແຫ່ງຊາດ ແລະ ບັນດາຂະແໜງການອື່ນໆ ຂອງ ສູນກາງ ແລະ ທ້ອງຖິ່ນ;

ເປັນເຈົ້າການປະສານສົມທົບກັບກົມ, ກອງ, ສະຖາບັນອ້ອມຂ້າງກະຊວງ ກໍຄືກະຊວງຂະແໜງການທີ່ ກ່ຽວຂ້ອງໃນການສ້າງແຜນການພັດທະນາຊົນນະບົດແກ້ໄຂຄວາມທຸກຍາກ; ສັງລວມ ແລະ ເຂົ້າຮ່ວມໃນ ການຕິດຕາມ, ກວດກາ ແລະ ປະເມີນຜົນການຈັດຕັ້ງປະຕິບັດແຜນພັດທະນາເຂດຈຸດສຸມ ແລະ ແກ້ໄຂຄວາມທຸກຍາກ;

ປະສານສົມທົບກັບພາກສ່ວນທີ່ກ່ຽວຂ້ອງຂອງກະຊວງກະສິກຳ ແລະ ປ່າໄມ້ ໃນການຄຸ້ມຄອງວຽກງານ ການຮ່ວມມືສາກົນ ແລະ ການລົງທຶນ ໃນຂະແໜງການກະສິກຳ ແລະ ປ່າໄມ້;

ເຜີຍແຜ່ນະໂຍບາຍ, ກົດຫມາຍ ແລະ ລະບຽບການຂອງລັດ, ຍຸດທະສາດພັດທະນາຂະແໜງການກະ ສິກຳ ແລະ ປ່າໄມ້ ເພື່ອຂົນຂວາຍຍາດແຍ່ງການຮ່ວມມືສາກົນ, ການຊ່ວຍເຫຼືອ ແລະ ການລົງທຶນຈາກ ພາຍໃນ ແລະ ຕ່າງປະເທດ, ອົງການຈັດຕັ້ງສາກົນ ແລະ ແຫຼ່ງທຶນອື່ນໆ ເພື່ອປະກອບສ່ວນໃນການຈັດ ຕັ້ງປະຕິບັດແຜນງານ ແລະ ໂຄງການຂອງຂະແໜງການກະສິກຳ ແລະ ປ່າໄມ້;

ປະສານສົມທົບກັບບັນດາຜູ້ໃຫ້ທຶນ ແລະ ຜູ້ຮັບຜິດຊອບແຜນງານ, ໂຄງການ ແລະ ດຳເນີນກິດຈະກຳ ຕ່າງໆ ໃນການຄຸ້ມຄອງ ຕິດຕາມ ແລະ ປະເມີນຜົນ ເພື່ອຮັບປະກັນການຈັດຕັ້ງປະຕິບັດ ໄປຕາມລະບຽບ ຫຼັກການ ການຄຸ້ມຄອງ ແລະ ນຳໃຊ້ການຊ່ວຍເຫຼືອທາງການ ເພື່ອການພັດທະນາ (ODA);

ປະສານສົມທົບກັບພາກສ່ວນທີ່ກ່ຽວຂ້ອງ ຢູ່ພາຍໃນກະຊວງກະສິກຳ ແລະ ປ່າໄມ້ ແລະ ກັບພາກສ່ວນ ອຶ່ນໆ ເພື່ອເຊື່ອມໂຍງວຽກບົດບາດຍິງ-ຊາຍ ເຂົ້າໃນວຽກແຜນການຂອງກະຊວງກະສິກຳ ແລະ ປ່າໄມ້;

ປະຕິບັດວຽກງານອື່ນໆ ຕາມການຕົກລົງ ແລະ ມອບໝາຍຈາກຂັ້ນເທິງ.

ຂອບເຂດສິດ

ລົງລາຍເຊັນຂໍ້ຕົກລົງກ່ຽວກັບພາລະບົດບາດ, ໜ້າທີ່, ຂອບເຂດສິດ ແລະ ໂຄງປະກອບກົງຈັກ ຂອງບັນ ດາພະແນກ ແລະ ສູນທີ່ຂຶ້ນກັບກົມ. ກຳນົດໜ້າທີ່ລະອຽດ, ແບບແຜນວິທີເຮັດວຽກຂອງຂະແໜງແຜນ ການ ແລະ ໜ່ວຍງານ ທີ່ຂຶ້ນກັບພະແນກກະສິກຳ ແລະ ປ່າໄມ້ແຂວງ ແລະ ຈຸງານປະຈຳຢູ່ຫ້ອງການກະ ສິກຳ ແລະ ປ່າໄມ້ເມືອງ ບົນພື້ນຖານການຄົ້ນຄວ້າປະກອບຄຳເຫັນຂອງກົມຈັດຕັ້ງ ແລະ ພະນັກງານ, ພ້ອມທັງຜັນຂະຫຍາຍ ຂໍ້ຕົກລົງ ສະບັບນີ້ ໃຫ້ເປັນກົດລະບຽບພາຍໃນຂອງຕົນ ເພື່ອຈັດຕັ້ງປະຕິບັດ;

ເຊັນສັນຍາ, ອະນຸສັນຍາ ແລະ ບົດບັນທຶກ ກໍຄືເອກະສານທາງການຕ່າງໆ ກ່ຽວກັບວຽກງານການຮ່ວມມື ແລະ ການລົງທຶນພາຍໃນ ແລະ ຕ່າງປະເທດ ກັບອົງການຈັດຕັ້ງສາກົນ, ອົງການຈັດຕັ້ງສັງຄົມອື່ນໆ ແລະ ເຂົ້າຮ່ວມກອງປະຊຸມຢູ່ພາຍໃນ ແລະ ຕ່າງປະເທດ ຕາມການມອບໝາຍຂອງລັດຖະມົນຕີ ບົນພື້ນຖານລະບຽບການວາງອອກ;

ຄົ້ນຄວ້າ ແລະ ນຳສະເໜີ ກ່ຽວກັບການສ້າງຕັ້ງ, ປັບປຸງ ຫຼື ຍຸບເລີກບັນດາກົງຈັກການຈັດຕັ້ງທີ່ຢູ່ໃນຄວາມຮັບຜິດຊອບຂອງກົມແຜນການ ຕາມການແບ່ງຂັ້ນຄຸ້ມຄອງ;

ຄົ້ນຄວ້າ ແລະ ນຳສະເໜີແຕ່ງຕັ້ງ, ເລື່ອນຊັ້ນ, ເລື່ອນຂັ້ນ, ຍ້ອງຍໍ, ຍົກຍ້າຍ, ປົດຕຳແໜ່ງ, ປະຕິບັດວິໄນ ຕໍ່ພະນັກງານພາຍໃນກົມ; ອອກຂໍ້ຕົກລົງສັບຊ້ອນ, ຈັດວາງ ແລະ ນຳໃຊ້ພະນັກງານທີ່ຢູ່ໃນຄວາມຮັບຜິດຊອບ ຂອງກົມແຜນການຕາມລະບຽບການທີ່ໄດ້ກຳນົດໄວ້;

ຄົ້ນຄ້ວາ ແລະ ປະກອບຄຳເຫັນ ຕໍ່ການສະເໜີແຕ່ງຕັ້ງ, ສັບຊ້ອນ, ຈັດວາງ ແລະ ນຳໃຊ້ພະນັກງານຂະ ແໜງແຜນການ ທີ່ຂຶ້ນກັບພະແນກກະສິກຳ ແລະ ປ່າໄມ້ປະຈຳແຂວງ ແລະ ນະຄອນຫຼວງ ທີ່ຢູ່ໃນຄວາມ ຮັບຜິດຊອບຂອງກົມແຜນການ ຕາມລະບຽບການທີ່ໄດ້ກຳນົດໄວ້;

ລົງລາຍເຊັນເອກະສານປະກອບຄຳເຫັນ ວຽກງານການຮ່ວມມື, ການລົງທຶນພາຍໃນປະເທດ ແລະ ຕ່າງ ປະເທດຫາກົມ ແລະ ພາກສ່ວນຕ່າງໆຂອງຂະແໜງການກ່ຽວຂ້ອງທີ່ຮັບຜິດຊອບວຽກງານຮ່ວມມື ແລະ ລົງທຶນ;