ກອງປະຊຸມ ໂຄງການ ເຊື່ອມໂຍງ ແລະຫຼຸດຜ່ອນຄວາມສ່ຽງ ຈາກໄພພິບັດ ໃນຂະແໜງ ກະສິກຳ.
ພະແນກແຜນການ, ກົມແຜນການແລະການເງິນ, ໄດ້ຈັດກອງປະຊຸມ ຄັ້ງປະຖົມມະເລີກ ໂຄງການເຊື່ອມໂຍງ ແລະ ຫຼຸດຜ່ອນຄວາມສ່ຽງຈາກໄພພິບັດ ໃນຂະແໜງກະສິກຳໃນຄັ້ງວັນທີ06 ກໍລະກົດ 2018 ທີ່ ທ່າລາດ ແຂວງວຽງຈັນໂດຍ ການເປັນປະທານ ຂອງ ທ່ານ ສະຫວັນ ຫານພົມ ຮອງຫົວໜ້າ ກົມແຜນການ ແລະ ການເງິນ, ຊຶ່ງມີບັນດາກົມ ວິຊາການທີ່ກ່ຽວຂ້ອງເຂົ້າຮ່ວມ. ໂຄງການດັ່ງກ່າວ ແມ່ນໄດ້ຮັບການສະໜັບສະໜູນຈາກ ອົງການອາຫານໂລກ ຈຳນວນ 59.000 ໂດລາສະຫະລັດ ຊື່ງມີຈຸດປະສົງ ເພື່ອສ້າງຄວາມເຂັ້ມແຂງໃຫ້ແກ່ ພະນັກງານ ແຂວງ ແລະ ເມືອງ ໃນການສ້າງແຜນ ເພື່ອຫຼຸດຜ່ອນຄວາມສ່ຽງຈາກໄພພິບັດໃນການຜະລິດ ກະສິກຳ, ພ້ອມກັນນັ້ນ ກໍ່ສ້າງຄວາມເຂັ້ມແຂງໃຫ້ແກ່ຊາວນາໃນການປັບຕົວເຮັດການຜະລິດກະສິກຳໃຫ້ແທດເໝາະກັບການປ່ຽນແປງ ດິນຟ້າ, ອາກາດ ໂດຍມີເປົ້າໝາຍຂອງໂຄງການ ແມ່ນສຸມໃສ່ 2 ແຂວງ, 4 ເມືອງຄື: ແຂວງ ຄຳມ່ວນ ປະກອບມີ: ເມືອງ ໜອງບົກ ແລະ ເມືອງ ທ່າແຂກ, ແຂວງ ສະຫັວນນະເຂດ ປະກອບມີ: ເມືອງ ຈຳພອນ ແລະ ເມືອງ ສອງຄອນ.
ຈຸດປະສົງ ຂອງກອງປະຊຸມແມ່ນ ເພື່ອເປັນການເຜີຍແຜ່ແນະນຳກ່ຽວກັບໂຄງການດັ່ງກ່າວໃຫ້ບັນດາກົມກ່ຽວຂອ້ງຮັບຮູ້ ແລະ ເຂົ້າໃຈ ເປົ້າໝາຍ ຈຸດປະສົງ ຂອງໂຄງການ, ປຶກສາຫາລື ລະດົມແນວຄວາມຄິດ ໃນການ ຈັດຕັ້ງປະຕິບັດໂຄງການ ເພື່ອສະໜັບສະໜູນວຽກງານຄວບຄຸມໄພພິບັດ ແລະ ຫຼຸດຜ່ອນຄວາມສ່ຽງໃຫ້ໄດ້ຮັງຜົນດີ, ພ້ອມທັງເປັນການສ້າງແນວຄິດລິເລີ່ມກ່ຽວກັບ ການສ້າງແຜນທີ່ຄວບຄຸມໄພພິບັດແນ່ໃສ່ເພື່ອສ້າງຖານຂໍ້ມູນໃນການພະຍາກອນ ເພື່ອປ້ອງກັນໃນອານາຄົດ.
ກອງປະຊຸມ ຈະໄດ້ຮັບຟັງການນຳສະເໜີ ເປົ້າໝາຍ ຈຸດປະສົງ ຂອງໂຄງການ ແລະ ຮ່ວມກັນຄົ້ນຄວ້າກົນໄກການຈັດຕັ້ງປະຕິບັດໃນຕໍ່ໜ້າ, ກອງປະຊຸມຈະໄດ້ມີການແບ່ງກຸ່ມເພື່ອຄົ້ນຄວ້າບັນດາມາດຕະການເພື່ອຫຼຸດຜ່ອນຄວາມສ່ຽງຈາກໄພພິບັດໃນການຜະລິດກະສິກຳ ໂດຍສະເພາະແມ່ນມາດຕະການໄລຍະສັ້ນ, ໄລຍະກາງ ແລະ ໄລຍະຍາວ, ການກະທົບດ້ານນະໂຍບາຍ ຕ່າງໆ. ພ້ອມທັງ ສ້າງແນວຄວາມຄິດໃນການປ້ອງກັນໃນຕໍ່ໜ້າ.
ຈາກການປຶກສາຫາລື ສາມາດສັງລວມໄດ້ຄື: ບັນດາກົມກ່ຽວຂ້ອງເຂົ້າໃຈຕໍ່ກັບຈຸດປະສົງເປົ້າໝາຍຂອງໂຄງການ, ສາມາດ ສັງລວມໄດ້ແນວຄວາມຄິດເບື້ອງຕົ້ນໃນການຫຼຸດຜ່ອນຄວາມສ່ຽງຈາກໄພພິບັດໃນການຜະລິດກະສິກຳເພື່ອພັດທະນາ ເປັນຄຳແນະນຳໃນຂັ້ນຕໍ່ໄປ.
ກອງປະຊຸມລັດຖະບານສະໄໝສາມັນ ປະຈຳເດືອນກຸມພາ 2016 ໄດ້ໄຂຂຶ້ນໃນວັນທີ 23 ກຸມພາ ໂດຍການເປັນປະທານ ຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານເຂົ້າຮ່ວມ.
ກອງປະຊຸມຄັ້ງນີ້ໄດ້ປຶກສາຫາລື, ປະກອບຄຳຄິດຄຳເຫັນ ແລະ ຮັບຮອງເອົາທາງດ້ານຫຼັກການຕໍ່ບາງບັນຫາສຳຄັນຄື:
1. ກອງປະຊຸມໄດ້ພິຈາລະນາ ແລະ ເຫັນດີຮັບຮອງເອົາການປັບປຸງດຳລັດວ່າດ້ວຍທຸລະກິດໂຮງຊວດຈຳເພື່ອກຳນົດຫຼັກການ, ລະບຽບການກ່ຽວກັບການສ້າງຕັ້ງ, ການເຄື່ອນໄຫວ, ການຄຸ້ມຄອງ ແລະ ຕິດຕາມກວດກາທຸລະ ກິດຊວດຈຳ ເພື່ອເຮັດໃຫ້ການ ດຳເນີນທຸລະກິດຊວດຈຳເປັນ ລະບົບ, ຖືກຕ້ອງຕາມກົດໝາຍ ແລະ ລະບຽບການ ແນໃສ່ແກ້ ໄຂຄວາມຝືດເຄືອງທາງດ້ານ ການເງິນໃນເວລາຈຳເປັນ ແລະ ຮີບດ່ວນຂອງປະຊາຊົນ ລວມທັງຮັບປະກັນການໃຊ້ ແທນໜີ້ສິນ ປະກອບສ່ວນເຂົ້າ ໃນການພັດທະນາເສດຖະກິດ - ສັງຄົມຂອງຊາດ ແລະ ສ້າງ ຄວາມເປັນລະບຽບຮຽບຮ້ອຍ ດ້ານການຈັດຕັ້ງ ແລະ ການເຄື່ອນໄຫວຂອງໂຮງຊວດຈຳຢູ່ໃນສັງຄົມ. ຕໍ່ບັນຫາດັ່ງກ່າວ, ກອງປະຊຸມໄດ້ມີທິດຊີ້ນຳໃຫ້ພາກສ່ວນກ່ຽວຂ້ອງນຳໄປປັບປຸງຕື່ມເປັນຕົ້ນຕ້ອງກຳນົດຂອບເຂດການຊວດຈຳໃຫ້ຢູ່ ໃນຂອບສັງຫາ ລິມະຊັບ ບໍ່ ແມ່ນໃນຂອບອະສັງຫາລິມະ ຊັບ, ການກຳນົດອັດຕາດອກ ເບ້ຍແມ່ນກຳນົດບໍ່ໃຫ້ສູງຈົນ ເກີນໄປ. ອັນສຳຄັນແມ່ນການ ກຳນົດໄລຍະເວລາໃນການຊຳ ລະສະຊາງຕ້ອງລະອຽດ, ຈະ ແຈ້ງ ໂດຍອີງຕາມຈຳນວນເງິນ ກູ້ຢືມຕາມສັນຍາ ແລະ ບົດບັນທຶກທີ່ກຳນົດໄວ້ໂດຍຕ້ອງມີ ການແຈ້ງເຕືອນລ່ວງໜ້າ.
Leave a Reply