ຂ່າວສານ/news
ວິທີ ມອບ-ຮັບ ການປິດໂຄງການ ທົດລອງ ລະບົບການຜະລິດ ອາຫານທ້ອງຖິ່ນ ໃນຂົງເຂດຊົນນະບົດ ເພື່ອ ຄ້ຳປະກັນສະບຽງອາຫານ ແລະ ໂພຊະນາການທີ່ດີ ໃນ ສປປ ລາວ ຊຶ່ງຈັດຕັ້ງປະຕິບັດ ຢູ່ ເມືອງວຽງພູຄາ ແຂວງ ຫຼວງນ້ຳທາ.
ພິທີ ການມອບ-ຮັບ ປິດໂຄງການ ທົດລອງ ລະບົບການຜະລິດ ອາຫານທ້ອງຖິ່ນ ໃນຂົງເຂດຊົນນະບົດ ເພື່ອຄ້ຳປະກັນສະບຽງອາຫານ ແລະ ໂພຊະນາການທີ່ດີ, ພິທີ ດັ່ງກ່າວ ໄດ້ຈັດຂຶ້ນໃນວັນທີ 16 ກຸມພາ 2018 ທີ່ພະແນກກະສິກຳແລະປ່າໄມ້ໂດຍການເປັນປະທານຂອງ ທ່ານ ສະຫວັນ ຫານພົມ ຮອງຫົວໜ້າ ກົມແຜນການ ແລະ ການເງິນ ພ້ອມດ້ວຍຄະນະປະທານໂດຍ ທ່ານ ພິມແກ້ວ ຮອງຫົວໜ້າ ພະແນກກະສິກຳແລະປ່າໄມ້ ແຂວງຫຼວງນ້ຳທາ ແລະ ທ່ານ ສະຕີເຟັ້ນ ຣູກາດ ຫົວໜ້າຫ້ອງການໃຫຍ່ຂອງ ອົງການອາຫານ ແລະ ການກະເສດ FAO, ພ້ອມກັນນັ້ນມີຜູ້ຕ່ງໜ້າເຂົ້າຮ່ວມມາຈາກ ກົມແຜນການ ແລະ ການເງິນ, ພະແນກກະສິກຳ ແລະ ປ່າໄມ້ແຂວງຫຼວງນ້ຳທາ ແລະ ຫ້ອງການກະສິກຳ ແລະ ປ່າໄມ້ ເມືອງວຽງພູຄາ, Continue reading
ລາວ – ຈີນ ຮ່ວມມືກັນສ້າງເຂດອຸດສະຫະກຳ ກະສິກຳ ທັນສະໄໝ ຄົບວົງຈອນ ທີ່ຕິດພັນກັບ ກະສິກຳ ສະອາດ ແລະ ປອດໄພ ຢູ່ ນະຄອນຫຼວງວຽງຈັນ
ປັດຈຸບັນ, ການສົ່ງອອກຜົນຜະລິດກະສິກຳຂອງລາວແມ່ນປະສົບກັບບັນຫາກັບຄູ່ແຂ່ງຂອງບັນດາປະເທດອ້ອມຂ້າງເຊັ່ນ: ປະເທດໄທ, ປະເທດຫວຽດນາມ, ປະເທດກຳປູເຈຍ ແລະ ປະເທດອື່ນໆ ໃນຊ່ວງໄລຍະເວລາມໍ່ໆນີ້ການພັດທະນາທາງດ້ານກະສິກຳ ຂອງບັນດາ ປະເທດອ້ອມຂ້າງແມ່ນມີການພັດທະນາຢ່າງໄວວາ, ຊື່ງໄດ້ມີຄວາມສ່ຽງຕໍ່ການສົ່ງອອກຂອງຜະລິດຕະພັນກະສິກຳຂອງລາວ, ພ້ອມ ດຽວກັນນັ້ນໃນປີ 2015 ໄດ້ມີການເປີດກວ້າງເຂົ້າສູ່ເສດຖະກິດອາຊຽນ, ໄດ້ສ້າງສະພາບແວດລ້ອມທີ່ເສລີພາບ, ມີຄວາມສະດວກ, ຄວາມປອດໃສ ແລະ ຍຸດຕິທຳໃຫ້ແກ່ນັກລົງທືນຊ່ວຍຊຸກຍູ້ໃຫ້ບັນດາປະເທດອາຊຽນມີການຄ້າຂາຍຢ່າງເສລີພາບ, ເຮັດໃຫ້ການແຂ່ງ ຂັນການຄ້າຂາຍທາງດ້ານຜະລິດຕະພັນກະສິກຳມີບັນຍາກາດດີຂື້ນ. Continue reading
ການລົງຕິດຕາມຊຸກຍູ້ການຈັດຕັ້ງປະຕິບັດ ແຜນງານຄໍ້າປະກັນສະບຽງອາຫານ ໃນຊຸມຊົນ (ຊຸມຊົນຊື່ນໃຈ), ໃນໄລຍະ 6 ເດືອນຕົ້ນປີ 2016 ຢູ່ທີ່ ແຂວງ ອຸດົມໄຊ ແລະ ແຂວງໄຊຍະບູລີ
ໃນລະຫວ່າງວັນທີ 09-14 ສິງຫາ 2016 ທີມງານຕິດຕາມປະເມີນຜົນຂອງພະແນກຄຸ້ມຄອງໂຄງການ, ກົມແຜນການ ແລະ ການຮ່ວມມື, ກະຊວງກະສິກຳ ແລະ ປ່າໄມ້, ໄດ້ລົງຕິດຕາມການຈັດຕັ້ງປະຕິບັດແຜນງານ ຄໍ້າປະກັນສະບຽງອາຫານໃນຊຸມຊົນ (ຊຸມຊົນຊື່ນໃຈ) ຢູ່ຫ້ອງການປະສານງານແຜນ ງານປະຈໍາ ແຂວງ ອຸດົມໄຊ, ແຂວງ ໄຊຍະບູລີ ແລະ ຫ້ອງການປະສານງານໂຄງການຂັ້ນເມືອງ ຄື: ເມືອງນາໝໍ້, ເມືອງຮຸນ ແຂວງ ອຸດົມໄຊ; ເມືອງເງີນ ແລະ ເມືອງຫົງສາ ແຂວງໄຊຍະບູລີ. ນອກນັ້ນ ຍັງໄດ້ລົງເບິ່ງການຈັດຕັ້ງປະຕິບັດກິດຈະກໍາຢູ່ຂັ້ນບ້ນຈໍານວນໜຶ່ງ.
ຈຸດປະສົງ ການລົງຕິດຕາມຄັ້ງນີ້ ກໍ່ເພື່ອ ຕິດຕາມສະພາບ ການຈັດຕັ້ງປະຕິບັດກິດຈະກຳ ແລະ ການນໍາໃຊ້ງົບປະມານ ລວມໄປເຖິງການຄຸ້ມຄອງບໍລິຫານ ຢູ່ຂັ້ນທ້ອງຖິ່ນ ໃນໄລຍະ 6 ເດືອນຜ່ານມາ ຂອງສົກປີ 2015-2016.
ການລົງຕິດຕາມຄອບຄົວໄດ້ຮັບແນວພັນໝາກແໜ່ງ ຢູ່ບ້ານກິວລານ, ເມືອງໜ້າໝໍ້, ແຂວງອຸດົມໄຊ
ໝູ ທີ່ທາງແຜນງານ ໄປສະໜອງໃຫ້ຊາວບ້ານ ຢູ່ບ້ານຫ້ວຍເຜິ້ງ, ເມືອງເງິນ, ແແຂວງ ໄຊຍະບູ
ກອງປະຊຸມລັດຖະບານສະໄໝສາມັນ ປະຈຳເດືອນກຸມພາ 2016 ໄດ້ໄຂຂຶ້ນໃນວັນທີ 23 ກຸມພາ ໂດຍການເປັນປະທານ ຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ ແລະ ສະມາຊິກລັດຖະບານເຂົ້າຮ່ວມ.
ກອງປະຊຸມຄັ້ງນີ້ໄດ້ປຶກສາຫາລື, ປະກອບຄຳຄິດຄຳເຫັນ ແລະ ຮັບຮອງເອົາທາງດ້ານຫຼັກການຕໍ່ບາງບັນຫາສຳຄັນຄື:
1. ກອງປະຊຸມໄດ້ພິຈາລະນາ ແລະ ເຫັນດີຮັບຮອງເອົາການປັບປຸງດຳລັດວ່າດ້ວຍທຸລະກິດໂຮງຊວດຈຳເພື່ອກຳນົດຫຼັກການ, ລະບຽບການກ່ຽວກັບການສ້າງຕັ້ງ, ການເຄື່ອນໄຫວ, ການຄຸ້ມຄອງ ແລະ ຕິດຕາມກວດກາທຸລະ ກິດຊວດຈຳ ເພື່ອເຮັດໃຫ້ການ ດຳເນີນທຸລະກິດຊວດຈຳເປັນ ລະບົບ, ຖືກຕ້ອງຕາມກົດໝາຍ ແລະ ລະບຽບການ ແນໃສ່ແກ້ ໄຂຄວາມຝືດເຄືອງທາງດ້ານ ການເງິນໃນເວລາຈຳເປັນ ແລະ ຮີບດ່ວນຂອງປະຊາຊົນ ລວມທັງຮັບປະກັນການໃຊ້ ແທນໜີ້ສິນ ປະກອບສ່ວນເຂົ້າ ໃນການພັດທະນາເສດຖະກິດ - ສັງຄົມຂອງຊາດ ແລະ ສ້າງ ຄວາມເປັນລະບຽບຮຽບຮ້ອຍ ດ້ານການຈັດຕັ້ງ ແລະ ການເຄື່ອນໄຫວຂອງໂຮງຊວດຈຳຢູ່ໃນສັງຄົມ. ຕໍ່ບັນຫາດັ່ງກ່າວ, ກອງປະຊຸມໄດ້ມີທິດຊີ້ນຳໃຫ້ພາກສ່ວນກ່ຽວຂ້ອງນຳໄປປັບປຸງຕື່ມເປັນຕົ້ນຕ້ອງກຳນົດຂອບເຂດການຊວດຈຳໃຫ້ຢູ່ ໃນຂອບສັງຫາ ລິມະຊັບ ບໍ່ ແມ່ນໃນຂອບອະສັງຫາລິມະ ຊັບ, ການກຳນົດອັດຕາດອກ ເບ້ຍແມ່ນກຳນົດບໍ່ໃຫ້ສູງຈົນ ເກີນໄປ. ອັນສຳຄັນແມ່ນການ ກຳນົດໄລຍະເວລາໃນການຊຳ ລະສະຊາງຕ້ອງລະອຽດ, ຈະ ແຈ້ງ ໂດຍອີງຕາມຈຳນວນເງິນ ກູ້ຢືມຕາມສັນຍາ ແລະ ບົດບັນທຶກທີ່ກຳນົດໄວ້ໂດຍຕ້ອງມີ ການແຈ້ງເຕືອນລ່ວງໜ້າ.
