Get Adobe Flash player

ກະຊວງ​ ກະສິກໍາ ​ແລະ ປ່າ​​ໄມ້ ກົມ​ແຜນການ ​ແລະ ການເງິນ, ສູນ​ສະຖິຕິ​ກະສິກໍາ ລາຄາ​ສິນຄ້າກະສິກໍາ​ ​ໃນທ້ອງ​ຕະຫຼາດ ປະຈໍາເດືອນ 6/2018

Picture1

ສົມທຽບບາງລາຍການລາຄາສິນຄ້າກະສິກຳ ໃນທ້ອງຕະຫຼາດ ປະຈໍາເດືອນ 6/2018 ແລະ ທຽບກັບເດືອນ 5/2018 ຜ່ານມາ ມີ​ດັ່ງ​ນີ້:
- ອີງຕາມການລາຍງານຂອງ ກົມການຄ້າພາຍໃນ, ກະຊວງອຸດສາຫະກໍາ ແລະ ການຄ້າ, ສະບັບເລກທີ 0922/ອຄ.ກຄພນ, ຄັ້ງວັນທີ 11/7/2018.
ໂດຍລວມແລ້ວ ການເໜັງຕີງລາຄາສິນຄ້າໃນເດືອນ 6 ແລະ ທຽບກັບເດືອນ 5 ຜ່ານມາ ເຫັນວ່າມີ ບາງລາຍການລາຄາສິນຄ້າກະສິກໍາຢູ່ທ້ອງຕະຫຼາດຢູ່ບາງແຂວງແມ່ນເໜັງຕີງຂື້ນ-ລົງຢູ່ບາງແຂວງເຊັ່ນ: ຜົ້ງສາລີ ແລະ ຫຼວງນໍ້າທາ. ຊຶ່ງລາຍລະອຽດມີຄື:
ສິນຄ້າເພີ່ມຂື້ນ Continue reading

ຝຶກອົບຮົມ ການນຳໃຊ້ບັນຊີຄູ່ແຫ່ງລັດ ປະຈຳປີ 2018 ໃຫ້ພະນັກງານການເງິນ ຂັ້ນ I ແລະ ຂັ້ນ II ອ້ອມຂ້າງ ກະຊວງກະສິກຳ ແລະ ປ່າໄມ້ ຄັ້ງວັນທີ 30 ກໍລະກົດ ຫາ 03 ສິງຫາ 2018

sathiti

ໃນລະຫວ່າງວັນທີ 30 ກໍລະກົດ ຫາ ວັນທີ 03 ສິງຫາ 2018 ກົມແຜນການ ແລະ ການເງິນ ກະຊວງກະສິກຳ ແລະ ປ່າໄມ້ ໄດ້ເປີດຊຸດຝຶກອົບຮົມການນຳໃຊ້ບັນຊີຄູ່ແຫ່ງລັດ ໃຫ້ແກ່ພະນັກງານ ບັນຊີ-ການເງິນ ຂັ້ນ1 (ກະຊວງ) ແລະ ຂັ້ນ 2 ( ບັນດາກົມ, ຫ້ອງການ ແລະ ສະຖາບັນ) ອ້ອມຂ້າງກະຊວງກະສິກຳ ແລະ ປ່າໄມ້ ຢູ່ທີ່ທ່າລາດ ເມືອງແກ້ວອຸດົມ ແຂວງວຽງຈັນ, ໂດຍການເປັນປະທານ ຂອງທ່ານ ອຸຄຳ ເພຍເທບ ຮອງຫົວຫນ້າກົມແຜນການ ແລະ ການເງິນ, ມີຜູ້ເຂົ້າຮ່ວມທັງຫມົດຈຳນວນ 50 ທ່ານ, ເປັນຍິງ 33 ທ່ານ. ການຈັດຝຶກອົບຮົມໃນຄັ້ງນີ້ແມ່ນຝຶກໃຫ້ບັນດາພະນັກງານ ບັນຊີ-ການເງິນ ທີ່ຖືກຄັດເລືອກເອົາຈາກຫົວຫນ່ວຍບັນຊີ-ການເງິນ ຂັ້ນ2 ຂອງບັນດາກົມ, ຫ້ອງການ ແລະ ສະຖາບັນອ້ອມຂ້າງກະຊວງກະສິກຳ ແລະ ປ່າໄມ້ ເພື່ອຝຶກໃຫ້ກາຍເປັນຄູ ຝຶກບັນຊີຄູ່ແລ້ວໄປຝຶກຕໍ່ ໃຫ້ພະນັກງານການເງິນຂັ້ນຍ່ອຍຂອງຕົນ ແລະ ລົງໄປຊຸກຍູ້ບັນຊີຄູ່ໃຫ້ບັນດາຂະແຫນງກະສິກຳ, ປ່າໄມ້ ແລະ ພັດທະນາຊົນນະບົດທົ່ວປະເທດ ໃຫ້ມີຄວາມເຂົ້າໃຈຢ່າງຫນັກແຫນ້ນຕໍ່ເນື້ອໃນ ຂອງບັນດານິຕິກຳທີ່ຕິດພັນກັບການບັນຊີແຫ່ງລັດ ເປັນຕົ້ນແມ່ນ ກົດຫມາຍວ່າດ້ວຍການບັນຊີ ແລະ ປຶ້ມຄູ່ມື ຂອງຕົນ ທີ່ກຳນົດໄວ້ ເພື່ອໃຫ້ຮູ້ວິທີການຈັດວາງລະບົບບັນຊີ, ເຕັກນິກການຈົດກ່າຍບັນຊີ, ການສ້າງໃບດຸ່ນດ່ຽງປະຈຳເດືອນ, ການສ້າງເອກະສານລາຍງານການເງິນວຽກງານທ້າຍປີ ພ້ອມທັງເປັນການຍົກສູງຄວາມຮັບ ຜິດຊອບ, ຮັບປະກັນໃນການຈັດຕັ້ງປະຕິບັດວຽກງານບັນຊີຢ່າງຕໍ່ເນື່ອງ ແລະ ສາມາດຜັນຂະຫຍາຍລະບຽບຫລັກການບັນຊີ ໃຫ້ພະນັກງານບັນຊີ-ການເງິນ ຂັ້ນຍ່ອຍໃຫ້ກາຍເປັນພະນັກງານສືບທອດ ນາຍບັນຊີ ແລະ ນາຍຄັງ ຕາມພາລະບົດບາດທີ່ກຳນົດໄວ້ ເພື່ອຮັບປະກັນຄວາມໂປ່ງໃສ, ຄົບຖ້ວນ ແລະ ທັນກັບກຳນົດເວລາໃນການສະຫລຸບລາຍງານທັງເປັນການຍົກສູງຄວາມຮັບຜິດຊອບ ຂອງພະນັກງານບັນຊີ-ການເງິນ ໃນແຕ່ລະຂັ້ນທົ່ວກະຊວງ ແລະ ຂະແຫນງກະສິກຳ, ປ່າໄມ້ ແລະ ພັດທະນາຊົນນະບົດ ທົ່ວປະເທດ.

ກອງປະຊຸມ ໂຄງການ ເຊື່ອມໂຍງ ແລະຫຼຸດຜ່ອນຄວາມສ່ຽງ ຈາກໄພພິບັດ ໃນຂະແໜງ ກະສິກຳ.

plankan

ພະ​ແນ​ກ​ແຜນການ, ກົມ​ແຜນ​ການແລະການ​ເງິ​ນ, ໄດ້​ຈັດ​ກອງ​ປະ​ຊຸ​ມ ຄັ້ງ​ປະ​ຖົມ​ມະ​ເລີກ ໂຄງການ​ເຊື່ອມ​ໂຍງ ແລະ ຫຼຸດຜ່ອນ​ຄວາມ​ສ່ຽງຈາກ​ໄພພິບັດ ​ໃນຂະ​ແໜງກະສິກຳໃນ​ຄັ້ງ​ວັນ​ທີ06 ກໍລະ​ກົດ 2018 ທີ່ ທ່າ​ລາດ ແຂວງວຽງ​ຈັນໂດຍ​ ການ​​ເປັນ​ປະ​ທານ ຂອງ ທ່ານ ສະ​ຫວັນ ຫານ​ພົມ ຮອງ​ຫົວ​ໜ້າ ກົມ​ແຜນ​ການ ແລະ ການ​ເງິນ, ຊຶ່ງ​ມີ​ບັນ​ດາກົມ         ​ວິ​ຊາ​ການທີ່​ກ່ຽວ​ຂ້ອງເຂົ້າ​ຮ່ວມ. ໂຄງ​ການ​ດັ່ງ​ກ່າວ ແມ່ນໄດ້​ຮັບການ​ສະໜັບສະ​ໜູນຈາກ ອົງການອາຫານໂລກ ຈຳນວນ 59.000 ​ໂດ​ລາ​ສະຫະ​ລັດ ຊື່​ງມີ​ຈຸດປະສົງ ​ເພື່ອ​​ສ້າງ​ຄວາມ​ເຂັ້ມ​ແຂງໃຫ້​ແກ່ ພະນັກງານ ​ແຂວງ ​ແລະ ​ເມືອງ ​ໃນ​ການສ້າງ​ແຜນ ​ເພື່ອ​ຫຼຸດຜ່ອນ​ຄວາມ​ສ່ຽງຈາກ​ໄພພິບັດໃນ​ການ​ຜະລິດ ກະສິກຳ, ພ້ອມກັນ​ນັ້ນ ກໍ່ສ້າງ​ຄວາມ​ເຂັ້ມ​ແຂງໃຫ້​ແກ່ຊາວນາໃນ​ການປັບ​ຕົວ​​ເຮັດ​ການ​ຜະລິດກະສິກຳໃຫ້​ແທດ​ເໝາະກັບ​ການ​ປ່ຽນ​ແປງ ດິນ​ຟ້າ, ອາກາດ ​ໂດຍ​ມີເປົ້າ​ໝາຍຂອງ​ໂຄງການ ​ແມ່ນສຸມ​ໃສ່ 2 ​ແຂວງ, 4 ​​ເມືອງ​ຄື: ​ແຂວງ ຄຳ​ມ່ວນ ປະກອບ​ມີ: ​ເມືອງ ໜອງ​ບົກ ​ແລະ ​ເມືອງ ທ່າ​ແຂກ, ​ແຂວງ ສະ​ຫັວນນະ​ເຂດ ປະກອບ​ມີ: ​ເມືອງ ຈຳ​ພອນ ​ແລະ ​ເມືອງ ສອງ​ຄອນ. Continue reading